Avropa İnsan Hüquqları Məhkəməsi (AİHM) “Elibaşvili Gürcüstana qarşı” işi üzrə qərar çıxararaq, Gürcüstanı mərhumun anasına 12 min avro məbləğində təzminat ödəməyə məcbur edib.
Modern.az Gürcüstan mətbuatına istinadən xəbər verir ki, söhbət 2016-cı il avqustun 1-də baş verən hadisələrdən gedir.
Tiflisdə Mtkvari (Kür) çayı ilə paralel yolda gənc oğlan yüksək sürətlə maşın sürüb. O, polisin saxla əmrinə tabe olmayıb, sürətini artırıb və dayanmış avtomobilə çırpılıb. Sürücü qaçıb, polis isə onu təqib edib, lakin qaranlıqda onu gözdən itirərək hadisə yerini tərk edib. İki gün sonra isə oğlan çayda tapılıb. Ölüm səbəbinin suya məruz qalması nəticəsində yaranan asfiksiya olduğu müəyyən edilib.
İstintaq hələ də davam edir və heç kim ittiham olunmayıb. Zərərçəkənin anası istintaqın effektiv aparılmamasından şikayət edib.
“Məhkəmə hesab edir ki, ərizəçinin oğlunun ölümü ilə bağlı cinayət araşdırması səmərəsiz olub və bu, Konvensiyanın 2-ci maddəsinin (yaşamaq hüququ) prosessuallığını pozur”, - deyə məhkəmənin qərarında deyilir.
Eyni zamanda qeyd olunub ki, hüquq-mühafizə orqanlarının əməkdaşları insidentlərə cəlb olunduqda istintaqın ləngiməsi “daimi” problemdir.
