Rusiyadakı prezident seçkilərində səsvermənin ikinci gününün sonuna qədər seçici fəallığı 58,45% təşkil edib.
Modern.az xəbər verir ki, bu barədə Rusiya Mərkəzi Seçki Komissiyasının saytı məlumat yayıb.
Sonuncu seçki məntəqələri bu gün, martın 16-da, Moskva vaxtı ilə saat 21:00-da Kalininqrad vilayətində bağlanıb. Sabah səsvermənin son günü olacaq. Rusiyada prezident seçkiləri ilk dəfə üç gün ərzində keçirilir.
Məsafədən elektron səsvermə sistemindən istifadə etməklə artıq 4 milyon 181 min 388 nəfər səs verib.
