Respublikaçıların ABŞ prezidentliyinə namizədi Donald Tramp seçkilərdə qalib gələ bilsə, TikTok-u “xilas edəcəyinə” və amerikalıların bu sosial şəbəkəyə çıxışını təmin edəcəyinə söz verib.
Modern.az xəbər verir ki, bu barədə o, sosial şəbəkədəki paylaşımında bildirib.
“TikTok-u ABŞ-da saxlamaq istəyən hər kəsə müraciət edirəm. Bu platformanı bəyənirsinizsə, Trampa səs verin. Əgər sizi TikTok və ya ölkəmizin təhlükəsizliyi maraqlandırmırsa, millətimizi məhv edəcək marksistləri dəstəkləyə bilərsiniz”, - Tramp bildirib.
O, rəqiblərinin ABŞ-da TikTok-u qadağan etmək niyyətində olduğunu da vurğulayıb. Tramp istifadəçi hesabının 11 milyona yaxın izləyicisi olan bu platformada “böyük ulduza” çevrildiyini xatırladıb.
