Rusiyanın xarici işlər naziri Sergey Lavrov Antalya Diplomatiya Forumunda iştirak etmək üçün aprelin 12-də Türkiyəyə səfər edəcək.
Modern.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.
"Rusiyanın xarici işlər naziri Lavrov Türkiyənin xarici işlər naziri Hakan Fidanın dəvəti ilə 4-cü Antalya Diplomatiya Forumunda iştirak etmək üçün aprelin 12-də Türkiyəyə səfər edəcək", - Zaxarova qeyd edib.
O bildirib ki, Lavrovun forumda çıxışı və xarici həmkarları ilə ikitərəfli danışıqlar aparması planlaşdırılır.
Rusiya Xarici İşlər Nazirliyinin sözçüsü qeyd edib ki, Antalyada keçiriləcək forumda beynəlxalq gündəlikdəki əsas məsələlərin, o cümlədən Yaxın Şərq, Şimali Afrika, Qafqaz və Qara dənizdəki mövcud vəziyyətin, eləcə də müxtəlif ölkələrlə ikitərəfli əməkdaşlığın aktual məsələlərinin müzakirəsi gözlənilir.
