Ermənistan Milli Təhlükəsizlik Xidmətinin direktoru Andranik Simonyan Bakıdan İrəvana qayıdıb.
Modern.az xəbər verir ki, bu barədə məlumatı “NEWS.am” yayıb.
Bakıda forumda iştirak edən Simonyanın göyərtəsində olduğu təyyarə sentyabrın 21-də 19:00-da Bakı aeroportundan yola düşüb və 20:00-da İrəvanın “Zvarnots” hava limanında yerə enib.
Xatırladaq ki, Ermənistan MTX A.Simonyanın rəhbərlik etdiyi nümayəndə heyətinin Bakıda “3-cü Beynəlxalq Təhlükəsizlik Forumu”nda iştirak edəcəyi barədə məlumat yaymışdı. Simonyanın sentyabrın 19-dan 21-dək Bakıda olacağı qeyd olunmuşdu.
