Məşhur “Sprut” serialının italiyalı aktyoru Remo Cirone vəfat edib.
Modern.az xəbər verir ki, aktyor və rejissor bir müddətdir yaşadığı Monte Karloda 76 yaşında dünyasını dəyişib.
O, “Sprut” serialında Tano Kariddi obrazı ilə məşhurluq qazanıb. Mafiya haqqında italyan televiziya dram serialı olan “Sprut” 1984-2001-ci illərdə yayımlanıb.
Aktyorun son filmi 2023-cü ildə Denzel Vaşinqtonun oynadığı “Ekvalayzer 3” olub. O, bir neçə Hollivud filmində də rol alıb.
