Hazırda Rusiyada yaşayan Suriyaın Sabiq prezidenti Bəşər Əsədin ağır zəhərləndiyi güman edilir.
Modern.az "New York Post"a istinadən xəbər verir ki, bu yaxınlarda zəhərlənmə əlamətləri ilə xəstəxanaya yerləşdirilib.
Nəşrin məlumatına görə, sentyabrın 20-də Əsəd Moskva yaxınlığındakı özəl xəstəxananın təcili yardım şöbəsinə aparılıb. Onun vəziyyəti ağır olub və reanimasiyaya yerləşdirilib. Suriya İnsan Haqları Müşahidə Qrupunun məlumatına görə, o, doqquz gün xəstəxanada qalıb və vəziyyəti stabilləşdikdən sonra evə buraxılıb.
"O, Moskva yaxınlığında Rusiya hakimiyyəti tərəfindən qorunan villada evdə zəhərlənib”, - xəbərdə qeyd edilir.
Qeyd olunur ki, Əsədin hərəkətləri məhdud olsa da, villaya çoxlu ziyarətçi gəlir.
Suriya mənbələrinin xəbəri göstərir ki, zəhərlənmənin ehtimal olunan səbəbləri hazırda məlum deyil və Əsədin həqiqətən məhv edilməsinin planlaşdırıldığını söyləmək olmaz.
"Əməliyyatın Bəşər Əsədi öldürmək, yoxsa Rusiya hökumətini gözdən salmaq məqsədi güddüyünü ancaq əməliyyatı həyata keçirən tərəf bilir", - deyə məqalədə əlavə edilib.
Nəşrin mənbələri Rusiya hökumətinin zəhərlənmə ilə heç bir əlaqəsinin olmadığını iddia edir. Amma güman edilir ki, bunu Rusiya hökumətini ittiham etmək və prezident Putinin onu müdafiə edə bilməyəcəyini göstərmək üçün etmək olardı.
Rəsmi olaraq Rusiya bu məsələyə münasibət bildirmir.
Xatırladaq ki, Əsəd ötən il inqilabdan sonra Suriyanı tərk edib və ailəsi ilə birlikdə Moskvada gizlənir. Eyni zamanda, onun Britaniya vətəndaşlığı olan həyat yoldaşı, mətbuatın yazdığına görə, boşanmaq üçün danışıqlar aparır və Londona köçmək istəyir. O, məhkəməyə vəsatət verib və qərarını gözləyir.
Mətbuat həmçinin yazır ki, Əsəd ciddi məhdudiyyətlərlə, ictimai fəaliyyətlə məşğul olmaq hüququ olmadan yaşayır. Və onun aktivləri dondurulub.
Bu arada Livanda iki qadın - Əsəd ailəsinin yaxın qohumları təyyarəyə minmək istəyərkən saxlanılıb. KİV-in məlumatına görə, onlar Livana qanunsuz daxil olmuş keçmiş prezidentin əmisi oğlunun həyat yoldaşı və qızı olub.
