Prezident Donald Tramp növbəti həkim müayinəsindən keçib.
Modern.az xəbər verir ki, bu barədə Ağ Ev-in yaydığı məlumatda bildirilib.
Trampın həkimi Şon Barbarella qeyd edib ki, prezident "güclü ürək-damar, ağciyər, nevroloji və fiziki hazırlıq nümayiş etdirərək müstəsna sağlamlığı qoruyur".
Prezident "geniş görüntüləmə, laboratoriya testləri və profilaktik sağlamlıq qiymətləndirməsindən keçdi", - həkim qeyd edib.
O, Trampın “ürək yaşını” “onun xronoloji yaşından təxminən 14 yaş kiçik” adlandırıb.
Bu zaman həkimlər Trampın ürək yaşını təxmin etmək üçün elektrokardioqramdan və ya ürəyin elektrik aktivliyini ölçən testdən istifadə ediblər. Barbarella 79 yaşlı Traumpın "gələcək beynəlxalq səyahətinə hazırlıq üçün" qripə qarşı peyvənd və gücləndirici COVİD peyvəndi aldığını da söyləyib.
Tramp bu həftə İsrail və Fələstinin HƏMAS qruplaşması arasında atəşkəs razılaşmasına vasitəçiliyə kömək etdikdən sonra bazar günü Yaxın Şərqə getməyi planlaşdırır.
