ABŞ-ın Rusiyaya qarşı sanksiya qanun layihəsi ABŞ və Rusiya prezidentləri Donald Tramp və Vladimir Putin arasında danışıqlara qədər təxirə salınıb.
Modern.az xəbər verir ki, bu barədə Senat çoxluğunun lideri Con Tun bildirib.
Tramp daha əvvəl bəyan edib ki, Rusiya ilə Ukrayna arasında müharibə bitməsə, “çoxları ağır bədəl ödəmək məcburiyyətində qalacaqlar”.
Moskvaya qarşı sanksiya qanun layihəsi bir neçə aydır ki, nəzərdən keçirilir, lakin ABŞ Senatı və Nümayəndələr Palatasının rəhbərliyi layihəni səsverməyə çıxarmayıb.
