Cənubi Afrikanın keçmiş prezidenti Ceykob Zumanın qızı Duduzile Zuma-Sambudlu parlament üzvü vəzifəsindən istefa verib.
Modern.az xəbər verir ki, BBC-nin məlumatına görə, bu barədə Mkhonto Vesizve partiyasının lideri mətbuat konfransında bildirib. Zuma-Sambudlu partiya adından Cənubi Afrika Milli Assambleyasının üzvü olub.
Partiyadan verilən məlumata görə, o, həmçinin istintaqla tam əməkdaşlıq edəcəyinə söz verib. Onun istefası Zuma-Sambudlunun Cənubi Afrika kişilərini aldadaraq Ukraynada Rusiya tərəfində döyüşməyə məcbur etməsi iddialarından sonra baş verib.
Zuma-Sambudlunun bacısı Nkosazana Zuma-Mnkube də polisə şikayət ərizəsi ilə müraciət edib.
