Bir qrup erməni yepiskopu və arxiyepiskopu bütün ermənilərin katolikosu II Qareginin istefası ilə bağlı açıq çağırış edib.
Modern.az xəbər verir ki, kilsə rəhbərləri onu sərbəst idarəçilikdə, siyasi proseslərə müdaxilədə və “qəbuledilməz hesab etdikləri digər addımlarda” ittiham edirlər. Onların sözlərinə görə, II Qareginin 1999-cu ildə katolikos seçilməsi də “təzyiq və qorxu şəraitində” baş verib.
Müraciətə 27 noyabrda baş nazir Nikol Paşinyanla görüşən səkkiz iyerarxın, həmçinin daha iki arxiyepiskopun - ABŞ-ın Qərb yeparxiyasının rəhbəri Ovnana Terteryanın və Armavir yeparxiyasının başçısı Sion Adamyanın imzaları qoyulub.
