Fransa prezidenti Emmanuel Makron çərşənbə günü üç günlük dövlət səfəri üçün Çinə gedib.
Modern.az xəbər verir ki, Associated Press agentliyinin məlumatına görə, səfər zamanı Makron Pekindən xahiş edəcək ki, Rusiyaya Ukrayna ilə atəşkəs bağlamaq üçün təzyiq göstərsin.
Makron iqtisadi və ticarət gündəliyini də müzakirə edəcək. O, eyni zamanda Fransa Çin şirkətlərindən daha çox investisiya cəlb etməyi və Fransa ixracatı üçün bazara çıxışı asanlaşdırmağı hədəfləyir.
Səfər zamanı hər iki ölkənin rəsmilərinin enerji, qida və aviasiya sektorlarında bir sıra müqavilələr imzalaması gözlənilir.
Hava limanında Emmanuel və Bricit Makronu Çin xarici işlər naziri Vanq Yi qarşılayıb.
