Albaniyanın Durres limanında azərbaycanlı dənizçi faciəvi şəkildə həyatını itirib.
Modern.az-ın məlumatına görə, Panama bayrağı altında üzən “Kibele” gəmisində ekipaj üzvü olan Əvəz adlı Azərbaycan vətəndaşı göyərtədə işləyərkən elektrik cərəyanı vurması nəticəsində ölüb. Onun 25 yaşında olduğu bildirilir.
Hadisə baş verən zaman gəmi lövbərdə olub və buğda boşaldıb.
Ekipaj və liman rəhbərliyinin təcili yardımı qurbanın həyatını xilas edə bilməyib.
