Rusiya ordusu Ukraynada Slovyansk istiqamətindəki əməliyyatlarda “Siversk və digər şəhərlərə irəliləmək əvəzinə LİMAN” istiqamətini “daha vacib” hədəf kimi götürüblər.
Modern.az xəbər verir ki, bu barədə Amerikanın “Institute for the Study of War” - müstəqil analitik və tədqiqat mərkəzi məlumat yayıb.
Qeyd edək ki, Amerikan “Institute for the Study of War” - əsasən hərbi münaqişələr, müharibələr, təhlükəsizlik siyasəti və geosiyasi proseslər üzrə dərin təhlillər hazırlayır. Təhlil mərkəzi bildirir ki, hazırda Liman istiqamətində döyüşlər yüksək fəallıqla davam edir və bu ərazi Rusiya ordusu üçün gələcək hücum hədəflərdən biri hesab olunur. Eyni zamanda qeyd edilir ki, bu bölgədə həm rus qoşunlarının, həm də Ukrayna ordusunun hücum və müdafiə cəhdləri müşahidə olunur.
