Almaniya kansleri Fridrix Merts Rusiya prezidenti Vladimir Putinin xarici siyasətinin yalnız Ukraynadakı müharibə ilə məhdudlaşmayacağını və Sovet İttifaqını əvvəlki sərhədlərinə qaytarmağa yönəldiyini bildirib .
Modern.az xəbər verir ki, bu barədə Almaniya mətbuatı məlumat yayıb.
Merzin sözlərinə görə, Rusiya lideri "Avropada sərhədlərdə fundamental dəyişiklikdə" maraqlıdır və bu əvvəllər SSRİ-nin tərkibində olan ölkələr üçün ciddi hərbi təhlükə yaradır.
"Putin dayanmayacaq. Əgər Ukrayna süqut etsə, dayanmayacaq", - deyə Almaniya kansleri hesab edir.
Merz qeyd edib ki, Ukraynaya davamlı yardım, eləcə də Avropa birliyi və Birləşmiş Krallıqla strateji əməkdaşlıq Almaniyanın xarici və müdafiə siyasətinin prioritetləridir. O, həmçinin NATO-nun qorunub saxlanılmasının vacibliyini vurğulayıb və bunun effektivliyi əvvəllər ABŞ prezidenti Donald Tramp tərəfindən şübhə altına alınıb.
