Ermənistan Azərbaycan və Gürcüstan ərazisindən dəmir yolu tranziti ilə yeni taxıl daşımalarını gözləyir.
Modern.az xəbər verir ki, bu barədə Ermənistanın iqtisadiyyat naziri Gevork Papoyan bildirib. O bunun tezliklə baş verəcəyini açıqlayıb. Lakin o, taxılın ölkəyə gəlmə tarixini açıqlamayıb. "Taxıl gələndə rəqəmləri dərc edəcəyəm", - Papoyan deyib.
Xatırladaq ki, bundan əvvəl Rusiyadan Azərbaycan ərazisindən tranzit keçməklə 1048 ton, Qazaxıstandan isə min tona yaxın taxıl Azərbaycan və Gürcüstan vasitəsilə Ermənistana göndərilib.
