Belarus Prezidenti Aleksandr Lukaşenko Rusiya lideri Vladimir Putini siyasətdə "qurdboğan" adlandırıb.
Modern.az xəbər verir ki, Lukaşenko Newsmax televiziya kanalına müsahibəsində bildirib:
"O, normal insandır. Putinin çox yaxşı insani keyfiyyətləri var. Amma siyasətdə o, qurdboğandır"
Aleksandr Lukaşenko Rusiya liderinə tərifi belə davam etdirib:
"O, siyasətdə əla insandır. Uzun müddətdir ki, belə böyük bir ölkəyə rəhbərlik edir. Buna görə də, onun ölkəyə rəhbərlik etmək, təkcə daxili deyil, həm də xarici siyasət məsələlərini həll etmək istəyinə və qabiliyyətinə həsəd aparmaq olar. O, güclü insandır".
