ABŞ ordusu Suriyada İŞİD hədəflərinə qarşı antiterror əməliyyatına başlayıb.
Modern.az xəbər verir ki, bu barədə ABŞ-nin müharibə naziri Pit Heqset sosial şəbəkə hesabında açıqlama yayıb.
Heqset bildirib ki, “Hawkeye Strike” (“Şahin gözü zərbəsi”) adlı əməliyyat Suriyada İŞİD döyüşçülərini, infrastrukturunu və silah obyektlərini məhv etmək məqsədi ilə həyata keçirilib.
Onun sözlərinə görə, əməliyyat dekabrın 13-də Suriyanın Palmira şəhərində ABŞ qüvvələrinə qarşı törədilmiş hücuma birbaşa cavabdır.
“Bu, müharibənin başlanğıcı deyil, bu, qisas bəyanatıdır”, - Pit Heqset qeyd edib.
O əlavə edib ki, Prezident Donald Trampın rəhbərliyi altında ABŞ öz vətəndaşlarını qorumaqdan heç vaxt çəkinməyəcək.
