Azərbaycan Prezidenti İlham Əliyevin dekabrın 21-22-də Sankt-Peterburqda keçiriləcək MDB dövlət başçılarının qeyri-rəsmi sammitində iştirakı gözlənilir.
Modern.az xəbər verir ki, bu haqda Rusiya Prezidenti Vladimir Putinin mətbuat katibi Dmitri Peskov bildirib.
O vurğulayıb ki, Azərbaycan liderinin Rusiyaya səfərinə hazırlıq gedir. Həmçinin Peskov Sankt-Peterburqda Putinin İlham Əliyevlə ayrı-ayrılıqda görüşüb-görüşməyəcəyi sualına da aydınlıq gətirib:
“Bu iki gün ərzində Putin mütləq hamı ilə fərdi şəkildə görüşəcək. Bu cür qeyri-rəsmi ünsiyyət günləri hər zaman ayrıca ikitərəfli görüşlərlə müşayiət olunur. Bu formatın dəyəri də məhz bundadır.”
