Türkiyə 148 səfirlik, 99 baş konsulluq və ümumilikdə 264 missiya ilə dünyanın ən geniş diplomatik şəbəkələrinə malik ilk 3 ölkəsi arasında yer alır.
Modern.az xəbər verir ki, bu barədə Türkiyə XİN-in 2025-ci ilin yekunları ilə bağlı hesabatında deyilir.
Hesabatda qeyd olunub ki, 2025-ci ildə Türkiyə 47 dövlət və hökumət başçısına ev sahibliyi edib və Xarici İşlər Naziri Hakan Fidan 47 ölkəyə 64 xarici səfər edib.
Bundan başqa, Antalya Diplomatiya Forumunda 21 lider və 61 nazir də daxil olmaqla 155 ölkədən 4800-dən çox iştirakçı qatılıb.
