ABŞ Dövlət Departamenti hazırda Rusiyada olan Amerika vətəndaşlarına ölkəni dərhal tərk etməyi tövsiyə edir.
Modern.az xəbər verir ki, Dövlət Departamenti Rusiya-Ukrayna müharibəsinin şiddətlənməsi fonunda Rusiyadakı amerikalılar üçün terrorizm, qanunsuz həbs və "yerli qanunların özbaşına tətbiqi" ilə bağlı yüksək risklər barədə xəbərdarlıq edir.
Bu tövsiyə əvvəllər verilsə də, bu həftə dəyişiklik edilmədən yenilənib
"Rusiyadakı ABŞ vətəndaşları dərhal ölkəni tərk etməlidirlər. Rusiya rəsmiləri tez-tez ABŞ vətəndaşlarını özbaşına dindirməyə və təhdidlərə məruz qoyurlar", - açıqlamada deyilir.
