Azərbaycanla Ermənistan arasında sülh müqaviləsinin imzalanması və təsdiqlənməsindən sonra Ermənistandakı Aİ Monitorinq Missiyasına ehtiyac qalmayacaq.
Modern.az xəbər verir ki, bu barədə Ermənistandakı Aİ Monitorinq Missiyasının rəhbəri Markus Ritter bildirib. Ermənistanın İctimai Televiziyayasına verdiyi müsahibədə o, Bakı və İrəvan arasında paraflanmış sülh müqaviləsində sərhəddə üçüncü tərəf qüvvələrinin yerləşdirilməməsi ilə bağlı bəndin missiyaya şamil edildiyi təsdiqləyib.
Onun sözlərinə görə, missiyanın işini 2023-cü ildən bəri qüvvədə olan rejimdə davam etdirmək üçün qarşılıqlı razılaşma var. Missiya rəhbəri bildirib ki, 2025-ci ilin avqustunda Vaşinqton Sazişləri bağlandıqdan bəri sərhəddə vəziyyət nisbətən sakitdir və heç bir insident qeydə alınmayıb.
