Qrenlandiyadakı Danimarka qoşunlarına döyüşə hazır olmaq əmri verilib.
Modern.az Danimarkanın DR televiziyasına istinadən xəbər verir ki, krallıq İsveçdən hərbi dəstək istəyib.
Danimarka bir neçə mərhələdə planlaşdırılan "Arktika Dözümlülüyü" əməliyyatı çərçivəsində əlavə qoşun və resursların yerləşdirilməsini həyata keçirəcək.
Qrenlandiyadakı qoşunlara dərhal döyüşə hazırlıq üçün döyüş sursatı verilib.
Danimarka hökuməti və siyasi partiyalar daxilində ABŞ-ın Qrenlandiyaya potensial təhdidi ilə bağlı narahatlıqlar səbəbindən ABŞ-ın hücumu halında cavab verməyin zəruriliyi ilə bağlı geniş siyasi fikir birliyi mövcuddur.
