Rusiyanın Krasnodar diyarının mülki müdafiə və fövqəladə hallar naziri Sergey Ştrikov vəzifə səlahiyyətlərindən sui-istifadə etdiyinə görə saxlanılıb.
Modern.az xəbər verir ki, bu barədə RİA Novosti hüquq-mühafizə orqanlarına istinadən məlumat yayıb.
Adı çəkilən vəzifəli şəxs Federal Təhqiqat Xidmətinin əməkdaşları tərəfindən saxlanılıb və Cinayət Məcəlləsinin 286-cı maddəsi ilə şübhəli bilinir. Agentliyin məlumatına görə, istintaq dövlət müqavilələri ilə bağlıdır.
Kub Mash Telegram kanalının məlumatına görə, Ştrikov modul yanğınsöndürmə məntəqəsi binalarının alınması üçün keçirilən hərrac zamanı konkret bir şirkətin təşviqini həyata keçirib. Telegram kanalı həmçinin nazirin Soçiyə tətilə getməzdən əvvəl saxlanıldığını bildirir.
Sergey Ştrikov 2020-ci ilin fevral ayında Krasnodar diyarının mülki müdafiə və fövqəladə hallar naziri təyin edilmişdi.
Daha əvvəl, 7 fevralda Fövqəladə Hallar Nazirliyinin Beynəlxalq Fəaliyyət Departamentinin direktor müavini İrakli Arbidze dələduzluq və xüsusilə külli miqdarda rüşvət almaq ittihamı ilə həbs edilib.
