Ukrayna Prezidenti Volodimir Zelenski Rusiyanın Ukraynaya qarşı tammiqyaslı təcavüzünün dördüncü ildönümü münasibətilə xalqa müraciət edib.
Modern.az xəbər verir ki, bu zaman Ukrayna Prezidenti Bankova küçəsində yerləşən bunkeri nümayiş etdirib.
Zelenski müharibənin ilk günlərində qaldığı bu bunkerdə dövlət üçün strateji qərarların necə qəbul edildiyi barədə təfərrüatları bölüşüb:
"Burada çox iş görülüb. Biz bu obyekti əvvəllər heç vaxt göstərməmişik. Əlbəttə ki, indi boşdur. Amma müharibənin əvvəlində burada yüzlərlə insan var idi. Mən burada işləyirdim, sonra yuxarı mərtəbəyə qalxdım və sizə, xalqa müraciət etdim".
"Bu gün Putinin Kiyevi üç günə ələ keçirməsindən düz dörd il ötür. Və bu, müqavimətimizdən, Ukraynanın bütün bu müddət ərzində necə mübarizə aparmasından çox şey xəbər verir. Bu sözlər milyonlarla xalqımızdan, böyük cəsarətdən, zəhmətdən, dözümlülükdən və Ukraynanın 24 fevraldan bəri keçdiyi uzun səyahətdən çox şey xəbər verir",- deyə Zelenski əlavə edib.
