Adı Epşteyn işində hallanan Avropa Şurasının keçmiş baş katibi və Norveçin keçmiş baş naziri Torbyorn Yaqland intihara cəhd edib.
Modern.az bu barədə xarici KİV-ə istinadən xəbər verir.
Onun xəstəxanaya yerləşdirildiyi qeyd olunur.
Medianın məlumatına görə, Yaqlandın Nyu-York və Floridadakı Cefri Epşteynin iqamətgahlarında qalması, Epşteynin Yaqland və ailəsinin xərclərini ödəməsi və Epşteynin şəxsi adasına səfərləri ilə bağlı iddialardan sonra keçmiş baş nazir "xüsusilə böyük miqyasda rüşvətxorluq"da ittiham olunub. Günahkar bilinərsə, onu 10 ilə qədər həbs cəzası gözləyir.
Xatırladaq ki, Torbyorn Yaqland 1996-1997-ci illərdə Norveçin Baş naziri, 2009-2019-cu illərdə isə Avropa Şurasının Baş katibi vəzifələrində çalışıb.
