Regionda bir sıra ölkələr hava məkanını bağlayır.
Modern.az xəbər verir ki, Avropa Aviasiya Təhlükəsizliyi Agentliyi hava daşıyıcılarından Yaxın Şərq hava məkanında uçuş etməmələrini xahiş edir.
Həmçinin Rusiya aviaşirkətləri Yaxın Şərq reyslərini təxirə salır:
“Beynəlxalq vəziyyətlə bağlı olaraq, Birləşmiş Ərəb Əmirlikləri, Qatar, İran, İraq və İsrail hava məkanlarını bağlayıb. Nəticədə, Rusiya aviaşirkətləri həmin regiona uçuşlarını müvəqqəti dayandırır və reysləri digər marşrutlara yönləndirir” – açıqlamada deyilir.
Bundan başqa Oman hakimiyyəti uçuş təhlükəsizliyini təmin etmək üçün paytaxt Maskatdakı hava limanını bağlayıb.
Qətər Xəbər Agentliyi də məlumat yayaraq bildirib ki, Qatar Airways müvəqqəti olaraq Dohaya və Dohadan uçuşları dayandırıb.
