Dubay Beynəlxalq Hava Limanı günün başlanğıcından ilk sərnişin təyyarəsini yola çıxarıb.
Modern.az xəbər verir ki, təyyarənin marşrutu Səmərqənd şəhərinədir.
Əvvəlcə Dubayda hava limanlarının məhdud rejimdə fəaliyyətini bərpa etdiyi açıqlanmışdı. Söhbət həm Dubay Beynəlxalq Hava Limanı (DXB), həm də Əl-Maktum Hava Limanından (DWC) gedir.
Buna baxmayaraq, sərnişinlərə tövsiyə olunur ki, aviadaşıyıcılar tərəfindən uçuş vaxtı dəqiq təsdiqlənməyibsə, hava limanlarına gəlməsinlər.
20:08
Dubay aeroportları 2 mart axşam saatlarından etibarən əməliyyatlarını bərpa edəcək, lakin ilkin mərhələdə yalnız məhdud sayda reyslər həyata keçiriləcək.
Modern.az xəbər verir ki, məlumat hava limanlarının operatoru Dubay aeroportu saytına istinadən verilib.
Operator açıqlayıb ki, Dubay Beynəlxalq Hava Limanı (DXB) və Əl-Maktum Beynəlxalq Hava Limanından (DWC) yalnız az sayda reys icra ediləcək.
Sərnişinlərə tövsiyə olunub ki, əgər aviaşirkət uçuşun baş tutacağını birbaşa təsdiqləməyibsə, hava limanlarına gəlməsinlər.
Qeyd olunur ki, Dubayın hava limanları regiondakı təhlükəsizlik riskləri, xüsusilə İsrail, ABŞ və İran arasındakı hərbi-siyasi gərginlik səbəbindən əvvəl müvəqqəti bağlanmışdı.
