Rusiya Federasiyasının baş nazirinin müavini Aleksey Overçuk Bakının göstərdiyi konstruktiv və xoş münasibətə görə təşəkkürünü bildirib.
Modern.az xəbər verir ki, Overçuk jurnalistlərin suallarını cavablandırarkən deyib: “Azərbaycan tərəfinin konstruktiv və yardım göstərməyə hazır olmasını müşahidə edirik və buna görə çox minnətdarıq.”
Vitse-premyer əlavə edib ki, dünən Rusiya vətəndaşlarının ilk qrupu Azərbaycan-İran sərhədini keçib və hazırda təxminən 50 nəfər Azərbaycan ərazisindədir. Ümumilikdə isə 500-dən çox Rusiya vətəndaşı Azərbaycana çıxış üçün qeydiyyatdan keçib.
