ABŞ Prezidenti Donald Tramp Vaşinqton və Tel-Əvivin həyata keçirdiyi əməliyyatlar fonunda Rusiyanın İrana mümkün dəstəyi məsələsinə münasibət bildirib.
Modern.az xəbər verir ki, Tramp bu barədə jurnalistlər üçün keçirdiyi mətbuat konfransında danışıb.
ABŞ liderinə Moskvanın Tehrana hər hansı formada yardım göstərib-göstərmədiyi barədə məlumatının olub-olmaması ilə bağlı sual ünvanlanıb. Tramp isə cavabında belə bir ehtimalı düşünmək üçün əsas görmədiyini bildirib.
“Əgər belə bir şey varsa, deməli, onlar öz işlərini çox da yaxşı görmürlər. Çünki İran hazırda öz işini yaxşı görmür”, – deyə Tramp əlavə edib.
