NATO-nun "Patriot" Hava Hücumundan Müdafiə Sistemi Türkiyənin Malatya şəhərində yerləşdirilib.
Modern.az Türkiyənin Milli Müdafiə Nazirliyinə istinadən xəbər verir ki, bölgədə artan gərginlik fonunda Malatyada NATO Patriot hava və raketdən müdafiə sisteminin yerləşdirildiyini açıqlayıb.
Məlumata əsasən, sistem Türkiyə hava məkanının müdafiəsini gücləndirmək üçün döyüş hazırlığına hazırlanır.
Ankara vurğulayıb ki, Türkiyə NATO və müttəfiq ölkələrlə əlaqələndirmə aparır, vəziyyəti yaxından izləyir və regional sabitliyin təmin edilməsi üçün tədbirlər görməyə davam edəcək.
Xatırladaq ki, bu vaxta qədər İrandan Türkiyəyə doğru 2 ballistik raket atılıb.
