İran vasitəçiliklə əldə edilən atəşkəs təşəbbüslərini rədd edir və ABŞ ilə danışıqlar üçün öz şərtlərini qoyur.
Modern.az xəbər verir ki, bu barədə Livanın "Əl Mayadeen" televiziya kanalının məlumatında bildirilib,
"İran bütün vasitəçiliklə əldə edilən atəşkəs təşəbbüslərini rədd edir, çünki şərtləri var və real zəmanətlər istəyir".
Kanalın məlumatına görə, İslam Respublikası rəhbərliyi vasitəçilərin hazırkı təkliflərini rədd edir, onları qeyri-kafi hesab edir və daha aydın öhdəliklər tələb edir.
Xüsusilə, Tehran ABŞ-dan gələcəkdə təcavüzkarlığa qarşı zəmanət, kompensasiya ödənişləri və İranın nüvə enerjisi obyektlərində tam nüvə yanacaq dövrü tətbiq edə biləcəyinə dair razılıq tələb edir.
10 martda İranın xarici işlər naziri Abbas Əraqçi bildirib ki, Tehran və Vaşinqton arasında danışıqların İslam Respublikasının yeni Ali Lideri Müctəba Xamenei dövründə nəzərdən keçirilməsi ehtimalı azdır.
Elə həmin gün xarici işlər nazirinin müavini Kazem Qəribabadi Rusiya, Çin və Fransa da daxil olmaqla bir neçə ölkənin atəşkəslə bağlı ölkəyə müraciət etdiyini açıqlayıb. O, Tehranın atəşkəs üçün ilk şərtinin təcavüzün təkrarlanmayacağına dair zəmanət olduğunu vurğulayıb.
