Ermənistan Apostol Kilsəsinin bir neçə nümayəndəsinin Qarabağla bağlı açıqlamaları müharibə çağırışları təşkil edir.
Modern.az xəbər verir ki, bunu Ermənistanın Baş naziri Nikol Paşinyan 12 martda keçirdiyi hökumət brifinqində bildirib.
"Bu, müharibə çağırışıdır və başqa bir şey deyil", - Paşinyan vurğulayıb.
O, iddia edib ki, bütün Ermənilərin Katolikosu II Qaregin (Ktriç Nersisyan) və digər ruhanilər "müharibə partiyasının rəhbərliyini öz üzərinə götürüblər".
Paşinyan hesab edir ki, bu, baş verməməlidir.
"Bir ölkənin xarici siyasətinin altı versiyası necə ola bilər?",- deyə baş nazir vurğulayıb.
