Ktriç Nersisyanın (Katolikos II Qaregini nəzərdə tutur – red.) qardaşı Yezras Nersisyan SSRİ “KQB”sinin agenti idi və bu fakt artıq məlumdur.
Modern.az xəbər verir ki, bunu Ermənistan Milli Təhlükəsizlik Xidmətinin direktoru Andranik Simonyan martın 20-də jurnalistlərlə söhbətində Baş nazir Nikol Paşinyanın katolikosların və digər ruhanilərin üçüncü ölkələrdəki kəşfiyyat şəbəkələri ilə əlaqələri barədə iddialarının əsaslılığını şərh edərkən bildirib.
Milli Təhlükəsizlik Xidmətinin məlumatına görə, arxiyepiskop Yezras Nersisyan SSRİ dağılandan sonra da xarici kəşfiyyat xidmətlərinin nümayəndələri ilə əlaqə saxlayıb ki, bu da Ermənistan Respublikasının təhlükəsizliyinə və maraqlarına təhdid yaradıb.
