Rusiyanın RT teletekanalının rəhbəri Marqarita Simonyan ailəsini yaxalayan bəlalardan qurtula bilmir.
Modern.az Rusiya KİV-nə istinadən xəbər verir ki, Simonyanın uşaqlarından birinin sağalmaz xəstəliyə tutulduğu bildirilir. Həkimlər optimist proqnozlar vermirlər, Simonyan isə vəziyyəti əsl fəlakət adlandırır.
"Tiqran (ərini nəzərdə tutir-red.) komaya düşəndə məlum oldu ki, uşaqlarımızdan biri çox ağır xəstədir. Və onu sağaltmaq mümkün deyil. Mən bu barədə geniş danışmaq istəmirəm. Bu, sadəcə bir fəlakətdir", - o qeyd edib.
Marqarita Simonyanın əri Tiqran Keosyan 2024-cü ilin dekabrında komaya düşmüşdü. Daha sonra o, 26 sentyabr 2025-ci ildə 59 yaşında ürək xəstəliyindən vəfat etmişdi.
Ərinin ölümündən sonra Marqarita Simonyanın özündə ağır xəstəlik - onkoloji problem aşkarlanıb. Ötən ilin oktyabr ayında başlayan kimyaterapiya kursu çətinliklə davam edir. O, müalicənin istənilən nəticəsi ilə əvvəlcədən razılaşdığını etiraf edib.
