Ermənistan Baş naziri Nikol Paşinyan qarşıdan gələn parlament seçkilərində rəqiblərindən biri - sabiq prezident Robert Koçaryanla bağlı sərt açıqlama verib.
Modern.az xəbər verir ki, sosial media hesabında Koçaryana müraciət edən Paşinyan həmkarına eşşək kimi anqırmağı təklif edib.
"Robert Köçəryan bəyan etdi ki, "əgər hər hansı bir siyasətçi eşşək kimi anqırırsa, düşünürəm ki, bu, milyonlarla baxış qazanar". Mən cənab Köçəryanın özünün eşşək kimi anqırmasını təklif edirəm - amma həvəslə", - deyə o videomüraciətində deyib.
Xatırladaq ki, Ermənistanda parlament seçkiləri iyunun 7-də keçiriləcək.
