İran prezidenti Masud Pezeşkian ilə SEPAH baş komandanı Əhməd Vahidi arasında müharibənin idarə olunması və onun mülki əhali üzərində yaratdığı təsirlərlə bağlı ciddi fikir ayrılığı yaranıb.
Modern.az xəbər verir ki, məlumat "Iran International" tərəfindən yayılıb.
Mənbələrin bildirdiyinə görə, prezident Pezeşkian mövcud vəziyyətin davam etməsinin ölkə üçün ağır nəticələr doğuracağını vurğulayıb. O, Vahidiyə açıq şəkildə xəbərdarlıq edərək qeyd edib ki, əgər yaxın zamanda atəşkəs əldə olunmasa, İran iqtisadiyyatı cəmi üç həftə – bir ay ərzində tamamilə çökə bilər.
Məlumata əsasən, tərəflər arasında yaranan bu gərginlik ölkə daxilində həm siyasi, həm də iqtisadi sabitlik baxımından ciddi risklər yaradır. Xüsusilə müharibənin mülki əhali üzərində artan təsirləri və iqtisadi təzyiqlər rəsmi dairələrdə narahatlığı daha da gücləndirib.
