ABŞ prezidenti Donald Tramp Mərkəzi Kəşfiyyat İdarəsinin direktoru Tulsi Qabbardı vəzifəsindən azad edə bilər.
Modern.az xəbər verir ki, bu iddia ilə “The Guardian" qəzeti çıxış edib.
Bildirilib ki, Qabbardın İranla müharibəyə qarşı çıxan keçmiş müavininin işini ört-basdır etməsi Trampı narazı salıb. Prezident Administrasiya üzvlərinə Tulsi Qabbardı əvəz edib-etməməsi barədə sual verib.
Mənbələr bildirib ki, Trampın Qabbardla bağlı şübhələri ötən ay Kapitoli təpəsində keçirilən qlobal təhdidlər dinləməsində verdiyi ifadədən sonra yaranıb. O, istefa verən müavini Co Kenti İranın ABŞ üçün birbaşa təhlükə yaratmadığını deyərək qınamaqdan imtina edib.
Mənbələrə görə, Kentin istefası və müharibəni tənqid etməsi Trampı çox qəzəbləndirib, lakin o, Qabbardın Kenti müdafiə etməsindən və İrana hücumu müdafiə etmək istəməməsindən xüsusilə narazı qalıb.
Daha əvvəl bildirilmişdi ki, Donald Tramp baş prokuror Pam Bondini də işdən çıxarmaq ehtimalını müzakirə edib, çünki o, Ədliyyə Nazirliyinə rəhbərlik etməkdən və "Epşteyn işi"nin idarə olunmasından getdikcə daha çox məyus olur.
