Türkiyənin Diyarbəkir vilayətində ölümlə nəticələnən ağır yol qəzası baş verib. Modern.az saytı xəbər verir ki, hadisə Kulp-Lice yolunda qeydə alınıb. Şagirdləri daşıyan mikroavtobus yük maşını ilə toqquşub. Hadisə nəticəsində, məktəblilər daxil olmaqla 23 nəfər müxtəlif dərəcəli xəsarətlə xəstəxanaya yerləşdirilib.
Həkimlərin səylərinə baxmayaraq, 7 nəfərin həyatını xilas etmək mümkün olmayıb. Hazırda 16 nəfər xəstəxanada müalicəsini davam etdirir.
Qəzanın başvermə səbəbləri ilə bağlı hələlik məlumat verilmir.
Faktla bağlı araşdırmalar aparılır.
Modern.az
