Azərbaycanın sərbəst güləşçisi Maqomedxan Maqomedov Macarıstanın paytaxtı Budapeştdə keçirilən reytinq turnirində finala yüksəlib.
Modern.az xəbər verir ki, 97 kiloqram çəki dərəcəsində çıxış edən idmançı yarımfinalda qazaxıstanlı Rızabek Aitmuxanla qarşılaşıb. Rəqibinə 15:7 hesabı ilə qalib gələn M.Maqomedov adını finala yazdırıb.
O, qızıl medal uğrunda görüşdə Qazaxıstanın digər təmsilçisi Alışer Yerqalı ilə üz-üzə gələcək.
Əliabbas Rzazadə (57 kiloqram) və Hacı Əliyev (65 kiloqram) yarımfinalda, Giorgi Meşvildişvili (125 kiloqram) isə 1/4 finalda mübarizəni dayandırıb.
Qeyd edək ki, Azərbaycan millisi iyunun 9-dək davam edəcək reytinq turnirində 14 güləşçi ilə təmsil olunur.
