Bitkoin kriptovalyutası noyabrın 6-da 75 000 dollara çataraq yeni məzənnə rekordu qırıb və bu, ilin əvvəlindən bəri ən güclü yüksəliş dinamikası sayılır.
Modern.az xəbər verir ki, belə kəskin artıma ABŞ-da hazırda kriptovalyutalar məsələsində müsbət mövqe tutan Respublikaçılar Partiyasının namizədi Donald Trampın liderlik etdiyi prezident seçkiləri şərait yaradıb.
“Nyu-York Tayms” analitik sistemi kriptovalyuta bazarında güclü reaksiyaya səbəb olan Donald Trampın qələbəsi ehtimalını 71% qiymətləndirir.
Daha optimist proqnozu Polimarket platforması verir, burada Trampın qələbəsi ehtimalı 90% qiymətləndirilir. Görünür bazar iştirakçıları aktiv alışlarla reaksiya verərək, artıq bu ssenarini Bitkoinin qiymətinə daxil ediblər.
Yekun seçki nəticələri hələ dərc olunmayıb, lakin kriptovalyuta bazarı artıq ilkin məlumatlara reaksiya verir.
