Qeyri-neft gəlirlərinin payı cari illə müqayisədə 5 faiz bənd artaraq 63 faizə çatacaq. Demək olar ki, biz növbəti illərdə artıq icmal büdcəmizin 3-də 2-sini hissəsini qeyri-neft sektorunun hesabına təmin edəcəyik.
Modern.az-ın məlumatına görə, bunu Milli Məclisin bugünkü plenar iclasında maliyyə naziri Sahil Babayev bildirib.
“Bu tendensiya davam edəcək ki, 2029-cu ilə qədər bizim proqrnozumuz bu rəqəmin 69-70 faizə çatması nəzərdə tutulur. Bu istiqamətdə görüləcək işlər ilk növbədə ölkəmizin neft asılığının daha da aşağı salınmasına imkan verəcək və qeyri-neft sektorunun inkişafının daha da sürətlənməsinə şərait yaradacaqdır. Eyni zamanda dövlət büdcəsinin qeyri-neft gəlirlərində vergi gəlirlərinin xüsusi çəkisi artacaqdır. İcmal büdcəmizdə bu göstərici 63 faiz, dövlət büdcəsində isə 57,4 faiz olacaqdır və ümumilikdə qeyri-neft gəlirlərində vergi gəlirlərinin payı 79 faiz olacaqdır. Bu iki göstəricinin hər ikisi də son 20 ildə ən yüksək göstəricilərdir.
