Avropanın qaza tələbatı o qədər çoxdur ki, hələ uzun illər qaz idxalçısı olacaqlar.
Bu sözləri Modern.az-a iqtisadçı Natiq Cəfərli bildirib.
O qeyd edib ki, Avropa ölkələri Rusiya-Ukrayna müharibəsi başlamazdan 450-500 milyard kubmetr qaz idxal və istehlak edirdi. Norveç, Hollandiya, Britaniya kimi qaz istehsalçıları olsa da, qitənin qaza olan böyük tələbatı idxal zərurətini ortaya qoyur.
Ekspert bildirib ki, yaxın 30 ildə alternativ enerji də qazdan asılılığı ciddi azaltmayacaq.
Yalnız mobil tipli kiçik atom stansiyalarının təhlükəsiz istifadəsi mümkün olarsa, mavi yanacağa olan ehtiyacı azalda bilər.
