Mingəçevir şəhərində sənaye infrastrukturunun genişləndirilməsi və sahibkarlıq fəaliyyəti üçün əlverişli şəraitin yaradılması istiqamətində növbəti mühüm addım atılır.
Modern.az xəbər verir ki, Azərbaycan Respublikası İqtisadiyyat Nazirliyinin Tikinti-Təchizat Birliyi Mingəçevir şəhəri, 3-cü Samux döngəsi 11 ünvanında yerləşən Mingəçevir Sənaye Parkının qazlaşdırılması ilə bağlı açıq tender elan edib.
Ümumi dəyəri 1 milyon 423 min 390 manat təşkil edən bu layihə çərçivəsində ərazidə müasir qaz təchizatı şəbəkəsinin qurulması və infrastrukturun tam formalaşdırılması nəzərdə tutulur.
