Azərbaycan xarici işlər naziri Elmar Məmmədyarov Rusiya və iranlı həmkarları ilə birgə Bakıda keçirdiyi mətbuat konfransında ölkəmizin aprelin 17-də Doha şəhərində OPEK-in (neft ixrac edən ölkələr birliyi) keçirəcəyi iclasa dəvət aldığını bildirib.
Modern.az xəbər verir ki, Elmar Məmmədyarov rəsmi Bakının neftin hasilatı ilə bağlı önəmli qərarların veriləcəyi həmin iclasda iştiraka razılıq verdiyini bildirib.
Xatırladaq ki, 17 apreldə Qətərin paytaxtı Dohada keçiriləcək iclasa təşkilata üzv olmayan Rusiya və Qazaxıstan da dəvət alıb.
Vüqar İsmayılov
