Çinli biznesmen, böyük Guan Sheng Yuan ərzaq şirkətinin keçmiş rəhbəri Venq Mao dağda turist kimi gəzinti zamanı həlak olub. Modern.az xarici KİV-ə istinadən bildirir ki, 67 yaşlı iş adamının ölümünə səbəb bədbəxt hadisə - yuxarıdan meymunun atdığı daş olub.
Maonu dərhal xəstəxanaya aparıblar, ancaq həkimlər onun həyatını xilas edə bilməyiblər. yuntay dağları vəhşi meymunların məskunlaşdığı ərazi kimi tanınır.
Guan Sheng Yuan şirkəti 1918-ci ildə yaradılıb və əsas ofisi Şanxaydadır. Şirkətin ən çox tanınan məhsulu “Ağ dovşan” adlı südlü konfetdir. Hazırda həmin konfet dünyanın 40-dan çox ölkəsinə ixrac olunur. Bunların arasında ABŞ və Avropa İttifaqı dövlətləri də var.
