Türkiyənin Suriya ilə həmsərhəd Kilis şəhərindəki məscidlərdən birinə qumbaraatan mərmisi düşüb. Modern.az saytı Türkiyə mediasına istinadən xəbər verir ki, hadisə yerli vaxtla saat 18.10-da baş verib. Belə ki, Suriya istiqamətindən, İŞİD terror qruplaşmasının nəzarəti altında olan ərazidən atılan mərminin partlaması nəticəsində 1 nəfər ölüb, 10 nəfər yaralanıb.
Qeyd edək ki, bu gün səhər saatlarında da Kilis şəhəri atəşə tutulub. Şəhərin Dəmirçilər məhəlləsinə 2 qumbaraatan mərmisi düşüb, nəticədə 6 nəfər yaralanıb.
Modern.az
