Modern.az

İrandakı seçki zamanı atışmada 4 nəfər yaralanıb

 İrandakı seçki zamanı atışmada 4 nəfər yaralanıb

Dünya

30 Aprel 2016, 00:31

 

İranın cənubunda, Fars əyalətinin Mamasani bölgəsində parlamentə keçirilən seçkilərin II turunda mühafizəkarların tərəfdarları ilə islahatçıların nümayəndələri arasında atışma nəticəsində 4 nəfər yaralanıb. Modern.az saytı "Report"a istinadən xəbər verir ki, bunu İranın daxili işlər nazirinin müavini Hüseyn Zülfüqari bildirib.

Onun sözlərinə görə, atışma deputatlığa namizədlərin tərəfdarlarının "rəqabəti"nin nəticəsidir. Nazir müavini qeyd edib ki, bölgədə təhlükəsizlik rejimi tətbiq olunub və günahkarlar axtarılır.

Qeyd edək ki, İran İslam Şura Məclisinə seçkilərin ikinci turu keçirilir. Ölkənin 21 əyalətində 55 dairə üzrə 69 yerə 136 nəfər namizədliyini irəli sürüb. Onların 53-ü mühafizəkar, 38-i islahatçı xətt tərəfdarı, 45-i isə müstəqil namizəd sayılır. 

İranda parlament seçkilərinin birinci turu bu il fevralın 26-da keçirilib. Həmin tarixdə parlamentdəki 290 yerə 221 deputat seçilə bilib. Onların 46 faizi mühafizəkar, 37,5 faizi islahatçı, 16,5 faizi isə bitərəf sayılır.  

Modern.az

 
Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir