Modern.az saytının verdiyi xəbərə görə komitələrin birgə iclasında deputat Araz Əlizadə maraqlı təkliflə çıxış edib.
O, uşaqlarla bağlı yeni qanun layihəsi hazırlamağı məsləhət bilib. Bildirib ki, dövlət tərəfindən hər ay uşaqlara yüz manat verilməsini təsdiq edən qanun layihəsi hazırlanmalıdır.
A.Əlizadə bunun yetkinlik yaşına çatmayan uşaqlara şamil olunmasını və 18 yaşına qədər verilməsini məqbul sayıb:
“Çünki, biz gələcəyimiz üçün bunu etməliyik. Uşaqlar dövlət, vətən üçün xidmət edəcəklər.
Dövlət də bunun qarşılığında onlara yardım etməlidir. Fikrimcə bu elə də böyük məbləğ deyil”.
Aytən ZƏHRA
