“AGBank”ın Yeni il ərəfəsində, bankomat istifadəçiləri üçün hazırladığı Uduşlu Kupon sürprizinin üç qalibinin adları açıqlandı. 27 dekabr və 30 dekabr tarixlərində AGBank-ın bankomatlarından Uduşlu Kuponu qazanan Ağayeva İntizar Kamal qızı, Axundov Fuad Kamal oğlu və Gəncəliyev Emin Tofiq oğlu, hərəsi 200 manat məbləğində uduş əldə ediblər.
Bankın mətbuat xidmətindən verilən məlumata görə, 200 və 500 manatlıq Uduşlu Kuponların bankomatlara yerləşdirilməsi prosesi, bundan sonra daha intensiv xarakter alacaq. Bu isə o deməkdir ki, 2011-ci ilin sonuna qədər, AGBank-ın bankomatlarından pul çıxaran kart istifadəçiləri 200 və 500 AZN qazanmaq şansına malikdirlər. Ən əsası isə odur ki, bu kuponları təkcə “AGBank” kartının sahibləri deyil, həm də Azərbaycanın və ümumilikdə dünyanın istənilən bankının kart sahibləri qazana bilərlər. Odur ki, əgər öz bankınızın bankomatını tapmaqda çətinlik çəkirsinizsə, yaxınlıqdakı AGBank ATM-lərindən istifadə edin və xoş sürprizlə qarşılaşın.
Məlumatda həm də deyilir ki, AGBank bu ilin əvvəlindən ATM parkını tamamilə yeniləməyə başlayıb. Müasir tələblərə cavab verən bankomatlar, artıq bir çox nöqtədə yerləşdirilmişdir.
